Skip to content

12/02/2009

– Kor gammel e du? Tjuefem? Spurde mannen som hadde sett seg ned ved sida mi på vaktrommet. Mannen er kliss lik den gamle frå «Tre brødre som ikke er brødre», same dialekt, nett same måte å snakke på, og same storleik. Eg svarte at eg var tjueto, og mannen såg på meg med alvor i augene. Han var over nitti år gamal, og for ein halv time sidan hadde vi dansa vals på stova. Den gamle nordlendingen hadde holdt meg godt fast rundt livet, og proklamert at «Denne jenta kan danse!» til applaus frå dei andre bebuarane som lot seg underhalde av sjarmøren og sjukepleiarstudenten. No hadde eg gått for å skrive ned vaktene mine, og mannen hadde fulgt etter meg inn på vaktrommet.
– Tjuefem år, ja. Nei, da må du regne med at det blir som det blir. Er du gifteklar? undra han, og snakka vidare før eg fekk svara. – Nei, er du tjueto? Nei, det er ikke mye. Du er vel gifteklar. Det er jo disse jentene som avbestiller til slutt. Det går nok bra, seier han, betryggande nok. Eg nikker og smiler.
– Men du har vel en på lur, konstaterer han. – Han kommer nok fram i lyset. Det blir artig. Du skal vel ha en østlending?
Eg ristar på hovudet.
– Ikke? En nordlending?
Eg ristar på hovudet igjen. – Ein vestlending, fortel eg. Mannen rynkar litt på nasen.
– Vestlending, ja. Det er nok bedre med en østlending. Vi pleide aldri å plukke ut vestlendinger. Noen gir vel tilbud også. Frierier og sånt. Det er vel jenta som frir, det er sånn det skal være. Så blir det gifting, og så blir det litt av hvert, ja. Du får det nok til. Du har nok en på lur.
– Jada, eg har ein vestlending på lur, seier eg.
– Å, er det en vestlending som skal på tur? spør mannen. – Jaja, det går nok bra. Men. (Kunstpause.) Hva hvis det kommer en nordlending?

Advertisements
One Comment leave one →
  1. 17/07/2010 22:53

    [b]Supreme Search Engine[/b][i]A powerful new search engine on the Net! Find information and websites on the Internet. [/i][url=http://www.supremesearch.net]Supreme Search Engine[/url][url=http://www.supremesearch.net][img]http://www.supremesearch3000.bravehost.com/Mini.jpg[/img][/url]

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: